الاثنين، يونيو 27، 2005
السبت، يونيو 25، 2005
فلافل ع الحساب !
أول يوم ميداني , أرق طوول الليل , مو متعودة على قعدة الصبح محاضراتي كنت متعودة اَخذها متأخر ع الراحة
أول يوم ميداني , احباط وايد كنت حاطّة اب بالي مبنى محترم
بس الدوام طلع اب
CHABRAT !
بس . الحق ينقال . . من أول ما دشيّت القسم اللي راح أظل فيه ليما يحولوني إلى قسم ثاني بعد اسبوعين . و أنا أضحك
سوالف الحريم اللي معاي تضحك , جاي ضحى مو دوام!
يحليلهم وايد حليوين بس أن خلال يوم واحد عرفت كل وحدة جم ياهل عندها و شنو أطباع ريلها و كل شي
صج يحليلهم أنتيكة :p
بس ما قصروا طلبوا ريوق من مطعم و طلبولي معاهم
بس توبة اَخر مرّة , مايونييز و خبصة و لووية من صباح الله خير ليش!
المهم , مو هذا موضوعنا
" فيني طاقة كلام ! "
و هالشي قليل يصير هاليومين , يعني ما أدق على أحد و لا أحب أسولف
و الحين حابّة أسولف بس كتابيا
اليوم بنجرت السيارة
بالتحديد , ييت أشغل السيارة و أنا بموقف الراية و السيارة ماتدق سلف !
موقف بايخ أويييي
!
شوي و أبجي , و لسبب ما ما كنت بدق على أبوي
يعني أبي أعتمد على روحي
نص ساعة و انا أحاول أفج غطا السيارة من جدام مو راضي
" قلت إذا مخلص الماي أحط ماي معاي بطل مو مشكلة "
اَخر شي استسلمت شفت واحد توّه سافط جان أقوله اخوي سيارتي مادري شفيها
المهم ولا أهو عرف شفيها بس حدّه ما قصّر كان في محل ميكانيكا قريب راح و ياب الهندي و رد , و حر الساعة 2 الظهر
و الهندي بالغصب رضى اييه كانت حزّة غداه و بيتغدى
@@
و الموقف خالي و موسيقى رومانسية رفعت حرارة الجو;p
" إذا بالسيارة الظهر مستحيل أحط أغنية هادية لازم شي خفيف يلطف الجو !"
عقب ردّيت البيت
قلت حق بنت خالتي السالفة , اول تعليق عسى اللي صلّح السيارة يصلح؟
Me : حلاتج و انتي ساكتة :@
_
العنوان شعلاقته بالموضوع ؟
ببساطة مفيش علاقة
أمس شريت عشى فلافل باللبنة و مو معاي غير عشرات , و المطعم ماعندهم خردة قالتلي اللي تشتغل خليه ع الحساب أنتي دايما تشترين منا!
شكلي اليوم بروح اشتري منهم و ادفع فشلة فلافل ع الحساب :p
و عقبها شريت خبز ايراني من الخباز حق ابوي , أشوى أنه معاي خردة بالسيّارة 100 فلس ولاّ جان حتى الخبز الايراني صار ع الحساب :p
__
صج المواقف المحرجة هاليومين مادري شسالفتها معاي!
أكبر و أنسى :D
___
لمّا الواحد يبعد عن شغلة , ينسى شلون يردلها
It's About , Goin Away From The Blogging World
But i need to talk , speak my mind , eL9amt Yaqtel marrat ;p , Welcome Back For Me ;p
الاشتراك في:
الرسائل (Atom)